Impuls i fysikk

Impuls eller kraftstøyt er i fysikk kraft gonger den tida krafta verkar. Lekamen som krafta verkar på får ved kraftstøyten ei forandring i rørslemengda si. Forandringa i rørslemengd er ofte misvisande vorte kalla impuls.

I elektrisitetslæra brukast iblant impuls i tydinga kortvarig straumstøyt (straumimpuls), men som regel brukar ein heller nemninga puls i denne samanhengen.

Formel

$𝐈=\int 𝐅dt$

der

I er impuls (anna symbol nytta er òg J),

F er krafta, og

dt er ei infinitesimal tid.

Viss F er konstant, vert dette redusert til $\overrightarrow{I}$ som er lik produktet av krafta $\overrightarrow{F}$ og tida $t$

$\overrightarrow{I}=\overrightarrow{F}\ast t$

Eininga for impuls er newtonsekund, Ns.

Siden tida t er ein positiv skalar, vil impulsen ha same retninga som krafta.

Impulslova

Ein lekam med masse $m$ blir påverka av ein konstant kraft $F_{res}$ i tida $t$. Startfarten er $v_0$ og sluttfarten er $v$.

Akselerasjonen blir

$\overrightarrow{a}=\frac{\overrightarrow{v}-\overrightarrow{v_0}}{t}$

Av den andre lova til Newton

$\overrightarrow{F_{res}}=m\ast \overrightarrow{a}=m\ast \frac{\overrightarrow{v}-\overrightarrow{v_0}}{t}=\frac{m\overrightarrow{v}-m\overrightarrow{v_0}}{t}$

Me veit at rørslemengd er definert som $\overrightarrow{p}=m\overrightarrow{v}$

$\overrightarrow{F_{res}}t=m\overrightarrow{v}-m\overrightarrow{v_0}=\overrightarrow{p}-\overrightarrow{p_0}=\Delta \overrightarrow{p}$

Når ein lekam er påvekra av krefter, gjev resultantkrafta lekamen ein impuls som er lik forandringa i rørslemengda til gjenstanden.

$\overrightarrow{I_{res}}=\Delta \overrightarrow{p}$

Kjelder

• Denne artikkelen bygger på «Impuls (fysikk)» frå Mal:Wikipedia-utgåve, den 3. mai 2013.
• Mal:Kjelde www