Mekanisk impedans

Mekanisk impedans er eit mål på motstanden ein mekanisk struktur gjer når han vert utsett for ei kraft $f$, og er definert til tilhøvet

$Z_{mek}(s)=\frac{F(s)}{U(s)},$

der $F(s)$ og $U(s)$ er Laplace-transforma av krafta $f(t)$ respektivt farten $u(t)$. Grunnen til at ein tek Laplace-transforma av dei to tids-domene-storleikane $f(t)$ og $u(t)$ er at impedansen er frekvensavhengig. Parameteren $s=\sigma +j\omega$ er kompleks frekvens (med SI-eining rad/s), med realdel $\sigma$ og imaginærdel $s=j\omega$. Etter som krafta $F(s)$ har eining N og farten $U(s)$ har eining m/s, får mekanisk impedans eininga Ns/m. Mekanisk impedans er nyttig i samband med til dømes vibrasjonsanalyse, modellering av elektromekaniske transduserar, osb.