Pion

Pion eller pi-meson (π-meson') er i partikkelfysikken eit felles namn på tre elementærpartiklar: π⁰, π⁺ og π⁻. Pioner er dei lettaste mesona og spelar ei viktig rolle når ein skal forklare «låg-energi-eigenskapane» til fargekrafta.

Pion har 0-spinn, og består av førstegenerasjons kvarkar. Det finst tre forskjellige π-meson:

• Pi pluss (π⁺, 139.6 MeV/c²): Består av ein opp-, og ein anti-nedkvark ($u\overline{d}$), og desintegrerer til eit anti-myon og eit myon-nøytrino, eller eit positron og eit elektron-nøytrino:

${\pi }^{+}\to {\mu }^{+}+{\nu }_{\mu },{\pi }^{+}\to e^{+}+{\nu }_e$

• Pi minus (π⁻, 139.6MeV/c²): Antipartikkelen til π⁺, og består dermed av ein anti-opp- og ein nedkvark ($\overline{u}d$), og desintegrerer til eit myon og eit anti-myon-nøytrino, eller eit elektron og et anti-elektron-nøytrino:

${\pi }^{-}\to {\mu }^{-}+{\overline{\nu }}_{\mu },{\pi }^{-}\to e^{-}+{\overline{\nu }}_e$

• Pi null (π⁰, 135 MeV/c²): Det interessante med denne partikkelen er at han er sin eigen antipartikkel. Kvarkoppbygginga er opp-, anti-opp minus ned-, anti-ned, dividert på kvadratrota av 2: $\frac{u\overline{u}-d\overline{d}}{\sqrt{2}}$

Han desintegrerer til to foton, eller eitt foton og eit elektron-, positronpar:
π⁰ > 2γ ELLER π⁰ > γ + e⁻ + e⁺

Kjelder

• Denne artikkelen bygger på «Pion» frå Mal:Wikipedia-utgåve, den 14. april 2013.