Rydbergkonstanten

Rydbergkonstanten er ein storleik som blir brukt i atomfysikken i Rydbergformelen for å angje bølgjetalet for spektrallinjer som tilhøyrer same spektralserie. Symbolet for konstanten er R_∞ eller R_h.

$R_{\mathrm{\infty }}=\frac{m_{\text{e}}{e}^4}{8{\epsilon }_0^2{h}^{3}c}=1.0973731568539(55)\times 10^7{\text{m}}^{-1},$

der $m_{\text{e}}$ er kvilemassen til elektronet, $e$ er elementærladning, ${\epsilon }_0$ er permitiviteten i vakuum, $h$ er Planckkonstanten, og $c$ er lysfarten i vakuum.

Denne konstanten er ofte nytta i atomfysikk med energieininga Rydberg:

$1\text{Ry}\equiv hc{R}_{\mathrm{\infty }}=13.60569253(30)\text{eV}.$

Konstanten er kalla opp etter den svenske fysikaren Janne Rydberg (1854–1919).

Kjelder

• rydbergkonstanten. I Store norske leksikon. Henta frå: http://snl.no/rydbergkonstanten