Kvotient

Kvotient (av latin quótus, 'som i ordninga') er resultatet av ein divisjon. Om $\frac{a}{b}=c$ (b ulik 0) er c kvotienten, og vert stundom kalla «kvotienten mellom a og b» eller «forholdet mellom a og b».

Ved heiltalsdivisjon, der a, b, q og r er heiltal og $0\le r<b$ gjeld

$\frac{a}{b}=q+\frac{r}{b}$

Her er q kvotienten og r vert kalla rest. Ein vanlegare skrivemåte i matematisk litteratur er $a=b\cdot q+r$.

Døme

$\frac{7}{2}=3,5$ , her er kvotienten 3,5.

$\frac{7}{2}=3+\frac{1}{2}$ eller $7=2\cdot 3+1$ , her er kvotienten 3 og resten 1 (heiltalsdivisjon).

Utanfor reint matematiske samanhengar vert omgrepet mykje nytta i tydinga «del» eller «andel». Det er frå denne tydinga at ordet kvotering har kome til. I informatikken vert òg omgrepet quota nytta.

Sjå òg

• Brøk
• Indeks

Kjelder

• Denne artikkelen bygger på «Kvotient» frå Mal:Wikipedia-utgåve, den 12. september 2011.