Rasjonale tal

Rasjonale tal er tal som kan skrivast på brøkform som $\frac{m}{n}$, der m er eit heiltal og n eit naturleg tal. Mengda av rasjonale tal vert ofte gjeven som $\mathbb{Q}$ og formar ein kropp, nemleg brøkkroppen til heiltala. Dei rasjonale tala er ei tett, tellbar og ikkje-samanhengande delmengd av dei reelle tala. Reelle tal som ikkje er rasjonale kallast irrasjonale tal.

Desse tala har ei endeleg eller periodisk desimalutvikling, til dømes:

$\frac{1}{3}=\mathrm{0,3333333}\dots =\mathrm{0,}\overline{3}$

$\frac{1}{4}=\mathrm{0,25}$

$\frac{9}{22}=\mathrm{0,4090909}\dots =\mathrm{0,4}\overline{09}$